Белгечләр «Чаллы - базар» сәүдә үзәгендә
Яңа ел бәйрәмнәре узды һәм Татарстан Республикасы Дәүләт алкоголь инспекциясенең Яр Чаллы территориаль органының эчке базарны үстерү һәм координацияләү бүлеге белгечләре шунда ук актив профилактика эшенә кушылды. «Чаллы - базар» сәүдә үзәге эшкуарлары өчен күчмә чара 2024 елның 12 гыйнварында уздырылды. Эшмәкәрләргә ваклап сату-алу килешүе буенча товар сату кагыйдәләре, сатучы һәм кулланучының хокуклары һәм бурычлары аңлатыла. Россия Федерациясенең 1992 елның 7 февралендәге 2300-1 номерлы «Кулланучылар хокукларын яклау турында»гы Законының төп статьялары аңлатыла. Белгечләр кулланучылар базары өлкәсендә эшмәкәрләрнең кайбер сорауларына җавап бирде. Кулланучыларның дәгъваларын карау һәм канәгатьләндерү сроклары аңлатылды, кулланучылар белән конфликтлы ситуацияләрнең конкрет мисаллары каралды, гамәлдәге закон кысаларында мәсьәләләрне хәл итү юллары һәм тәкъдимнәре бирелде.
Чара барышында эшкуарларга «кайнар линия» телефоны эше турында хәбәр ителде: 8(8552) 71-43-03, шулай ук чарада катнашучыларның барысына да Татарстан Республикасы Дәүләт алкоголь инспекциясе тарафыннан эшләнгән мәгълүмати буклетлар таратылды:
- «Дәгъваны ничек дөрес төзергә. Сыйфатсыз товар яки хезмәт сатып алганда кулланучы хокуклары»;
- «Товар сыйфатсыз булып чыкса, кулланучы таләпләрен канәгатьләндерү вакыты»;
- «Азык-төлек булмаган, тиешле сыйфатлы, алмаштырылырга тиеш булмаган товарлар исемлеге».
Профилактика чаралары «2014-2025 елларга Татарстан Республикасында кулланучылар хокукларын яклауның комплекслы системасын үстерү» 6 нчы дәүләт программасын гамәлгә ашыру кысаларында үткәрелә, мондый чараларның максаты - Татарстан Республикасы халкының хокукый һәм куллану грамоталылыгын арттыру.