Чәчтарашханә хезмәткәрләре өчен семинар үткәрдек
Татарстан Республикасы Дәүләт алкоголь инспекциясенең Казан территориаль органы эчке базарны үстерү һәм координацияләү бүлеге хезмәткәрләре чәчтараш хезмәтләре күрсәтүче белгечләр өчен укыту семинары үткәрделәр.
Хәзерге матурлык дөньясында иң кирәкле хезмәтләр арасында чәчтараш хезмәтләре дә бар. Чәчтарашханәләргә без матурлык, яхшы кәеф, тышкы кыяфәтебездә берәр нәрсәне үзгәртергә теләк эзләп барабыз.
Чәчтараш хезмәтләре күрсәтүне түбәндәге норматив-хокукый актлар көйли: РФ законының 07.02.1992 елның 2300-1 номерлы Кулланучылар хокукларын яклау турында, шулай ук РФ Хөкүмәтенең 21.09.2020 елның 1514 номерлы карары белән расланган Россия Федерациясендә халыкка көнкүреш хезмәт күрсәтү Кагыйдәләре.
Чәчтарашханә хезмәткәрләре кулланучылар хокукларын яклау өлкәсендә гамәлдәге законнарны үтәү мәсьәләләре буенча консультацияләр алды. Кулланучылар шикаятьләрен һәм мөрәҗәгатьләрен карау тәртибе, кулланучылар өчен кирәкле мәгълүмат булу турындагы таләпләр аңлатылды.
Күрсәтелгән хезмәтнең кимчелекләре ачыкланганда кулланучылар белән конфликтлы ситуацияләрне чишү мәсьәләләре күтәрелде.