Территориаль органның «кайнар линиясенә» сорау килде
Татарстан Республикасы Дәүләт алкоголь инспекциясенең Арча территориаль органы «Кайнар линия» телефонына кулланучыдан түбәндәге эчтәлектәге сорау килде:
- Мин 32000 сумлык кәрәзле телефон сатып алдым. Гарантия вакытында телефонда камера эшләми башлады. Кибеткә мөрәҗәгать итеп, телефонны шул ук маркалы яңа телефонга алыштыруны таләп иттем. Сатучы үткәргән диагностикадан соң, әлеге марканың бәясе арту сәбәпле, ремонтлау гына мөмкин һәм телефонны алыштыра алмыйбыз, диделәр. Шуңа күрә миңа телефон өчен түләнгән акчаны кире кайтардылар. Мин үземне алданган кебек хис иттем. Ни өчен, телефон сыйфатсыз булып чыкканга күрә, мин хәзер шундый ук телефонны югарырак бәягә сатып алырга тиешмен? Сорау: сатучының гамәлләре законлымы?
Арча территориаль органының эчке базарны үстерү һәм координацияләү бүлеге хезмәткәре җавап бирде:
- Бу очракта сатучы хаклы түгел. Ул сатып алучының товарда җитешсезлек ачыкланганда таләпне сайлау хокукын бозган, товар өчен түләнгән акчаны кире кайтару белән аны алмаштыру турындагы таләпне алыштыра.
Икенчедән, сатучы кулланучының товар бәясен тиешенчә сыйфатсыз алмаштыру яки товар бәясе үзгәргән очракта түләнгән акчаны кире кайтару турындагы таләпләрен канәгатьләндергәндә кулланучыны товар бәясен исәпләү турында ялгыш фикергә китергән.
Россия Федерациясенең 1992 елның 7 февралендәге 2300-1 номерлы «Кулланучылар хокукларын яклау турында»гы Законының 24 статьясының 1 пунктына (алга таба – «Кулланучылар хокукларын яклау турында»гы Закон) ярашлы рәвештә, тиешле сыйфатсыз товарны шул ук маркалы товарга алмаштырганда, товар бәясен яңадан исәпләү башкарылмый.
«Кулланучылар хокукларын яклау турында»гы Законның 24 статьясындагы 4 пунктына ярашлы рәвештә, тиешле сыйфатсыз товарны кире кайтарганда кулланучы килешүдә билгеләнгән товар бәясе һәм мондый таләпне ирекле канәгатьләндергән вакытта тиешле товар бәясе арасындагы аерманы түләүне таләп итәргә хокуклы.
«Кулланучылар хокукларын яклау турында»гы Законның 24 статьясы нигезендә кулланучы сатып алганда билгеләнгән телефон бәясе белән түләнгән акчаны кире кайтару турындагы таләпне ирекле рәвештә канәгатьләндергән вакытта телефонның тиешле моделе бәясе арасындагы аерманы кире кайтаруны таләп итеп, кибеткә мөрәҗәгать итәргә хокуклы.
Татарстан Республикасы Дәүләт алкоголь инспекциясенең Арча территориаль органы дәгъва хаты төзүдә һәм дәгъва гаризасы кирәк булганда ярдәм күрсәтә ала.
Консультацияләр алу өчен сез һәрвакыт Татарстан Республикасы Дәүләт алкоголь инспекциясенең Арча территориаль органына мөрәҗәгать итә аласыз: 422000, ТР, Арча шәһәре, Банковская урамы, 2а йорты, тел.884366 3-28-93.