2023 ел йомгаклары буенча Балык Бистәсе муниципаль районының алкогольле һәм спиртлы продукциянең законсыз әйләнешен ачыклау һәм туктату буенча ведомствоара комиссия утырышы узды
2024 елның 31 гыйнварында Балык Бистәсе районында алкогольле һәм спиртлы продукциянең легаль булмаган әйләнешен ачыклау һәм туктату буенча ведомствоара комиссия утырышы узды. Аның барышында 2023 елга йомгак ясалды. Комиссия утырышында Татарстан Республикасы Дәүләт алкоголь инспекциясенең Казан территориаль органы башлыгы Марина Егорова, Балык Бистәсе районы Башкарма комитеты җитәкчесе Д.А. Сатдинов, башкарма комитет җитәкчесе урынбасары, үзәк район хастаханәсе вәкилләре, алкоголь продукциясе белән тәэмин итүчеләр, ВКС режимында авыл җирлекләре башлыклары катнашты.
Утырыш барышында алкоголь продукциясен ваклап сату базарын характерлаучы индикатор күрсәткечләрен үтәү мәсьәләләре каралды, комиссия әгъзаларының хисаплары тыңланды һәм алдагы чорга бурычлар билгеләнде.
2023 ел нәтиҗәләре буенча, узган елның шул ук чоры белән чагыштырганда, алкогольле продукцияне ваклап сату күләме 2% ка арткан, шул ук вакытта Татарстан Республикасында җитештерелгән продукцияне сату күләме 1% ка кимегән.
2023 елда агулану фактлары булмау уңай момент булып тора.
Алкогольле продукцияне ваклап сатуның җирле базарларындагы вәзгыятьне бәяләү күрсәткечләре буенча районнар рейтингында Балык Бистәсе районы 45 муниципаль берәмлек арасында 31 нче позициядә тора (узган елның шул ук чоры белән чагыштырганда 4 позициягә югарырак).
Районда алкогольле һәм спиртлы продукция әйләнеше өлкәсендәге хокук бозуларны кисәтү, санкцияләнмәгән урыннарда контрафакт продукция сату фактларын булдырмау буенча даими эш алып барыла.
Алкоголь базарында хокук бозуларны ачыклау һәм булдырмау эшенең нәтиҗәлелеген арттыру максатыннан район халкына «Халык контроле» дәүләт мәгълүмат системасы аша алкогольле һәм спиртлы продукция әйләнеше өлкәсендәге барлык реаль хокук бозулар турында хәбәр итәргә тәкъдим итәбез. Мәсәлән, язма гаризалар белән Интернет-кабул итү бүлмәсе аша яки турыдан-туры Татарстан Республикасы Дәүләт алкоголь инспекциясенә мөрәҗәгать итәргә мөмкин.