«Гаилә» кибетендә укыту семинары үткәрелде
«2014-2025 елларга Татарстан Республикасында кулланучылар хокукларын яклауның комплекслы системасын үстерү» программасын үтәү максатыннан, кулланучылар базарында хокук бозуларны киметү һәм кулланучылар дәгъваларын ирекле тәртиптә хәл итү максатыннан, Татарстан Республикасы Дәүләт алкоголь инспекциясенең Чистай территориаль органы эчке базарны үстерү һәм координацияләү бүлеге белгечләре «Гаилә» кибетендә хезмәткәрләр өчен кулланучылар хокукларын яклау буенча законнарны аңлату буенча семинар оештырдылар.
Чара барышында сатучылар белән ваклап сату-алу килешүе буенча товарлар сату кагыйдәләрен, шул исәптән сатыла торган товарларга бәяләрне рәсмиләштерү кагыйдәләрен һәм, дәгъва килгән очракта, кулланучыга белдерелгән таләпләргә карата җавап җибәрү бурычын карадылар.
Укыту вакытында сатучыларга сыйфатсыз товарлар алмашу тәртибе, кулланучылар тарафыннан дәгъва белдерү вакыты, товар сыйфатына таләпләр, сатучы һәм сатыла торган товарлар турында мәгълүмат бирү тәртибе аңлатылды.
Чара ахырында хуҗалык итүче субъект хезмәткәрләрен кызыксындырган башка мәсьәләләр дә каралды.