Арча районы Наласа авыл китапханәсендә танып белү чарасы узды
Россия гражданнары, һөнәрләренә, җенесләренә, яшьләренә карамастан, көн саен төрле товарлар һәм хезмәтләр сатып алып кулланучылар булып торалар. Һәркемгә дә кулланучылар хокуклары бозылган очракта кая мөрәҗәгать итәргә, судта үз хокукларын ничек якларга икәнен белеп торырга кирәк. Кулланучылар хокукларын яклау кеше хокукларын яклауның бер өлеше булып тора, ә мәгълүмат алу хокукы кулланучының төп хокукларының берсе булып санала.
2024 елның 09 февралендә Татарстан Республикасы Дәүләт алкоголь инспекциясенең Арча территориаль органы эчке базарны үстерү һәм координацияләү бүлеге башлыгы Ләйсән Абдуллина җирле китапханәдә Наласа гражданнары өчен чара үткәрде. Очрашуны Татарстан Республикасы Арча муниципаль районының «Арча үзәкләштерелгән китапханә системасы» МБУ хезмәткәрләре оештырды. Очрашуда авыл җирлеге башлыгы Илфирә Шакирова да катнашты.
Чара барышында сыйфатсыз товарны, шул исәптән техник яктан катлаулы товарны сатып алганда кулланучы хокуклары, сыйфатлы азык-төлек булмаган товарларны алмаштыру шартлары, кулланучының аерым таләпләрен канәгатьләндерү сроклары буенча мәгълүмат бирелде, товарларны сайлаганда, гадәти кибеттә дә, дистанцион ысул белән сатып алганда да тәкъдимнәр бирелде. Кулланучыларны судта яклау турында мәгълүмат аңлатылды.
Тыңлаучылар актив кызыксыну күрсәттеләр һәм үз сорауларын бирделәр. Сыйфатсыз товар сатып алганда кулланучының эш итү алгоритмы, шул исәптән дистанцион ысул белән дә, дәгъва төзү тәртибе турында фикер алыштылар. Кулланучылар базарында еш очрый торган хәлләрне конкрет мисаллар белән тикшерделәр. Татарстан Республикасы Дәүләт алкоголь инспекциясе үткәргән дегустация нәтиҗәләре турында тулы мәгълүмат бирелде.
Чара тәмамлангач тыңлаучыларга тематик буклетлар, истәлекләр һәм «Татарстан кулланучысы хәбәрләре» газетасы тапшырылды.