Балтач районының Субаш мәктәбендә сыйныфтан тыш дәрес үткәрделәр
Бөтендөнья кулланучылар хокукларын яклау көне кысаларында Татарстан Республикасы Дәүләт алкоголь инспекциясенең Арча территориаль органы белгече Гөлназ Шакирова Балтач муниципаль районының Субаш мәктәбендә кулланучылар белемнәре нигезләре буенча сыйныфтан тыш дәрес үткәрде.
РФ Конституциясенең 29 маддәсенең 4 өлешендә мәгълүматка керү өчен мәгълүмати хокукның төп нормасы формалаштырылган:
- Һәркемнең мәгълүматны теләсә нинди законлы ысул белән эзләргә, алырга, тапшырырга, җитештерергә һәм таратырга хокукы бар.
Белгеч кулланучы тарафыннан еш кына сатып алынган товарның (күрсәтелгән хезмәтнең яки башкарылган эшнең) сыйфатына дәгъвалар барлыкка килә, ә сатучы (башкаручы, җитештерүче) аның телдән мөрәҗәгать итүенә җавап бирүдән баш тарта, дип сөйләде. Мондый очракларда кулланучы шунда ук судка мөрәҗәгать итәргә хокуклы, чөнки кулланучының сатучыга (башкаручыга) судка кадәрге язма мөрәҗәгате «Кулланучылар хокукларын яклау турында»гы законның мәҗбүри таләбе түгел. Ләкин бу өлештәге законнарда кайбер аерымлыклар һәм үзенчәлекләр бар. Кайбер хезмәтләр буенча дәгъва белдерүнең судка кадәрге тәртибе мәҗбүри булып тора. Мәсәлән, бәхәс, пассажир, багаж һәм йөк ташу килешүе, туристлык продуктын сату килешүе, элемтә хезмәтләре күрсәтү килешүе очрагында барлыкка килергә мөмкин. Кулланучылар хокукларын яклау турындагы законнарда кулланучының нигезле таләпләрен ирекле тәртиптә канәгатьләндерүдән баш тарткан өчен сатучының (башкаручының, җитештерүченең) җаваплылыгы каралган. Бөтендөнья кулланучылар хокукларын яклау көне турында мәгълүмат җиткерелде, сораштыру үткәрелде.
Чара буклетлар һәм «Татарстан кулланучысы хәбәрләре» газетасы тарату белән үрелеп барды. Катнашучылар белгечкә танып белү очрашуы өчен рәхмәт белдерделәр.