Бөгелмә шәһәренең 6 нчы урта гомуми белем бирү мәктәбендә Белем дәресе үтте
Татарстан Республикасы Дәүләт алкоголь инспекциясенең Әлмәт территориаль органы тикшерү-инспекция бүлегенең әйдәүче белгеч-эксперты Лилия Степанова Татарстан Республикасы буенча Роспотребнадзор Идарәсенең Бөгелмә территориаль бүлегенең әйдәүче белгеч-эксперты белән берлектә Бөгелмә муниципаль районының 6 нчы урта гомуми белем бирү мәктәбендә 7 нче сыйныф укучылары өчен кулланучылар хокукларын яклау мәсьәләләре буенча белем дәресе үткәрде.
Белгечләр кулланучылар хокукларын яклау өлкәсендә гамәлдәге законнар һәм аны төрле ситуацияләрдә ничек кулланырга мөмкин булуы турында сөйләделәр. Махсус басым тиешле һәм тиешсез сыйфатлы товарларны кире кайтаруга, кулланучы таләпләрен канәгатьләндерү срокларына ясалды, бүгенге көндә товарларны дистанцион ысул белән сатуда кулланучылар хокукларын яклау буенча актуаль тема каралды.
Шулай ук «Кулланучылар хокукларын яклау» темасына викторина уздырылды. Балалар Кулланучылар белеменең нигезләренә кагылышлы сорауларга бик теләп җавап бирделәр. Викторинаны куллану укучыларның танып белү кызыксынуын арттырырга ярдәм итә. Балалар процесска актив катнаштылар, үзләре тормыштан сораулар бирделәр.
Әлеге чаралар мәктәп укучыларына төрле тормыш ситуацияләрендә кулланучыга кирәкле белемнәрне сеңдерү, конкрет куллану ситуацияләрендә кулланучыларның төп хокуклары турында алган белемнәрне куллана белү максатыннан үткәрелә.