Катлаулы товарлар сатучылар киңәшләр бирә
- Авыр көнкүреш техникасын ничек дөрес сайларга? - Татарстан Республикасы Дәүләт алкоголь инспекциясенең Яр Чаллы территориаль органы белгечләре Мамадыш шәһәренең «Эконом» кибете хезмәткәрләренә шундый сорау белән мөрәҗәгать итте.
- Сәүдә маркасын сайлаганда, сату базарында күптән билгеле булган сәүдә маркасына өстенлек бирү яхшырак. Теге яки бу фирма турында күп мәгълүматны интернетта табып була. Катлаулы техниканы махсус кибетләрдә яки стационар салоннарда гына сатып алырга тырышыгыз. Катлаулы көнкүреш техникасын үзләштергәндә, түбәндәге моментларга игътибар итәргә кирәк:
1. Товарны сайлаганда, аның турында кирәкле һәм ышанычлы мәгълүмат бирүне таләп итегез.
Сыйфатлы товар түбәндәгеләргә ия булырга тиеш:
- товарны эксплуатацияләү буенча рус телендә инструкция;
- сертификат яки туры килү турында декларация.
2. Кулланучы таләп иткәнчә, сатучы җыелган, техник яктан төзек хәлдә күрсәтелергә тиешле товарларның төзелеше һәм гамәлләре белән таныштырырга тиеш. Шулай ук сатуны гамәлгә ашыручы зат Сезнең каршыда товарның сыйфатын, аның комплектлылыгын, товарга барлык документларның булуын тикшерергә тиеш.
Катлаулы көнкүреш техникасын сатып алучыга тапшырганда бер үк вакытта:
- касса чегы;
- товар җитештерүче тарафыннан билгеләнгән кирәк-яраклар комплекты һәм документлар;
- булган очракта – гарантия талоны тапшырырга тиеш.