Кулдан машина сатып алдым...
Татарстан Республикасы Дәүләт алкоголь инспекциясенең Арча территориаль органы «Кайнар линия» телефонына кулланучы шалтыратты:
- Җиңел автомобильне кулдан, ягъни гражданнан сатып алды. Машинага гарантия вакыты әле тәмамланмаган. Автомобильдә кимчелекләр барлыкка килгәч, мин сатучыга (автосалонга) кулланучылар хокукларын яклау турында дәгъва белән мөрәҗәгать иттем. Сатучы минем аның белән килешү мөнәсәбәтләрем юк, шуңа күрә «Кулланучылар хокукларын яклау турында»гы Закон бу очракта кулланылмый диде. Сатучының баш тартуы законлымы?
Хезмәткәр закон нигезендә түбәндәге эчтәлектә җавап бирде:
- Бу очракта сатучы хаклы түгел. Россия Федерациясенең 1992 елның 7 февралендәге 2300-1 номерлы «Кулланучылар хокукларын яклау турында»гы Законының (алга таба – Закон) преамбуласыннан чыгып, эшкуарлык эшчәнлеген гамәлгә ашыру белән бәйле булмаган шәхси, гаилә, өй һәм башка ихтыяҗлар өчен генә товарлар (эшләр, хезмәтләр) сатып алырга яки сатып алырга ниятләгән яисә заказ бирүче, сатып алучы яисә кулланучы булып санала.
Шулай итеп, автомобильне сатучыдан (сатып алу-сату килешүе буенча кулланучыларга товарлар сатучы оешмадан яки шәхси эшмәкәрдән) сатып алган граждан гына түгел, ә законлы нигездә әлеге сатучыдан элек башка граждан сатып алган автомобильдән файдаланган граждан да кулланучы булып тора.
Искәртеп узабыз, күрсәтелгән очракта граждан автомобильне законлы нигездә куллана (автомобильне сатучыдан сатып алган башка граждан белән сатып алу-сату килешүе нигезендә). Димәк, сатучы (салон) белән башка гражданнан автомобиль сатып алган граждан арасындагы мөнәсәбәтләргә «Кулланучылар хокукларын яклау турында»гы Закон (автомобиль сатып алынган һәм бары тик шәхси, гаилә, өй һәм эшкуарлык эшчәнлеген гамәлгә ашыру белән бәйле булмаган башка ихтыяҗлар өчен генә кулланыла) кагыла.
Җиңел автомобильләр техник яктан катлаулы товарларга караганлыктан, кулланучы автомобильдә җитешсезлек ачыкланганда, үз сайлавы буенча сатучыга (салонга) «Кулланучылар хокукларын яклау турында»гы Законның 18 статьясында каралган таләпләрнең берсен күрсәтергә хокуклы.
Консультацияләр алу өчен сез һәрвакыт Татарстан Республикасы Дәүләт алкоголь инспекциясенең Арча территориаль органына мөрәҗәгать итә аласыз: 422000, ТР, Арча шәһәре, Банковская урамы, 2а йорт, тел.884366 3-28-93, Балтач районында – 884368 2-44-03, Кукмара районында – 884364 2-60-75, Саба районында – 884362 2-30-84, Теләче районында - 884360 2-12-55.