Каргалы авылы халкы белән очрашу булды
Татарстан Республикасы Дәүләт алкоголь инспекциясенең Чистай территориаль органы башлыгы эчке базарны үстерү һәм координацияләү бүлеге консультанты белән бергә Каргалы авылында гражданнарны кабул итте һәм авыл җирлеге башкарма комитеты белгечләре өчен укыту семинары оештырды.
Күчмә кабул итү барышында авыл халкының кулланучылар хокукларын яклау турындагы законнар өлкәсендәге мәсьәләләре каралды. Цивилизация авыл җирлегенә дә барып җитте. Шуңа күрә кайбер кешеләрне товарларны дистанцион ысул белән сатып алуга бәйле мәсьәләләр кызыксындыра. Аерым алганда, кулланучыларның тиешле һәм тиешле булмаган сыйфатлы товарларны кире кайтару хокукы. Моннан тыш, катнашучыларның мәнфәгатьләрен исәпкә алып, сатучы алдан түләнгән товарны тапшыру срогын бозган очракта кулланучылар хокукларын, шулай ук кулланучылар белән сыйфатсыз товар сатып алган очракта исәп-хисап тәртибен һәм Татарстан Республикасы Дәүләт алкоголь инспекциясе компетенциясе чикләрендә башка күп нәрсәне аңлаттылар.
Гражданнарны күчмә кабул итү тәмамланганнан соң, җирле үзидарә органы хезмәткәрләренең һөнәри дәрәҗәсен күтәрү максатыннан, Башкарма комитет хезмәткәрләре өчен кулланучылар хокукларын яклау турындагы законнарны аңлату буенча семинар-уку оештырылды.