Җиһазны ремонтлау озакка сузылган очрак нәтиҗәләре
Татарстан Республикасы Дәүләт алкоголь инспекциясенең Чистай территориаль органына телефон аша гражданка Ф. мебельне ремонтлауның озакка сузылган очрагында кулланучылар хокукларын яклау турындагы законнарны аңлатуны сорап мөрәҗәгать итте.
Узган ел ахырында ул кухня гарнитуры сатып алган. Берничә айдан соң ул кайбер фасад ишекләрендә кырыйларның каерыла башлаганын ачыклый. Үзе ремонтларга тырышу бернинди дә нәтиҗәләргә китерми. Хатын-кыз сатучыга кимчелекләрне бетерүне таләп итеп мөрәҗәгать итә. Сатучы кимчелекле ишекләрне кабул итеп ала, ләкин ремонт эшләре озакка сузыла.
Кулланучыга «Кулланучылар хокукларын яклау турында» РФ Законының 18 статьясы аңлатыла. Аңа ярашлы рәвештә, товарда кимчелекләр ачыкланган очракта, әгәр алар сатучы тарафыннан билгеләнмәгән булса, кулланучы кимчелекләрне кичекмәстән түләүсез бетерүне таләп итәргә хокуклы. Законның 20 статьясы нигезендә, якларның килешүе белән язма рәвештә билгеләнгән кимчелекләрне бетерү вакыты кырык биш көннән артмаска тиеш. Законның 23 статьясы нигезендә, җитешсезлекләрне бетерү срокларын бозган өчен, мондый бозуларга юл куйган сатучы кулланучыга һәр көн өчен товар бәясенең бер проценты күләмендә неустойка (пеня) түли.
Алынган мәгълүматтан соң кулланучы Закон аның ягында, дигән нәтиҗәгә килгән. Кулланучыга сатучыга карата дәгъва белдерергә киңәш иттеләр. Территориаль орган белгечләре дәгъва проектын төзүдә хокукый ярдәм күрсәтергә әзер.