Мин товарны алыштырырга хокуклымы?
Татарстан Республикасы Дәүләт алкоголь инспекциясенең Арча территориаль органына кулланучы сорау белән мөрәҗәгать итте:
- Телефон сатып алдым. Сатып алганда тавышны тикшермәдек. Берничә көннән соң, тавышын арттырган саен, динамикларның көчле сызгыруы ачыклана башлады. Мин аны башка телефонга алмаштыра аламмы?
Белгеч аңлатма бирде:
- РФ «Кулланучылар хокукларын яклау турында»гы Законның 18 статьясы нигезендә, сатып алучы бу очракта телефонны ремонтлауга ризалашмаска хокуклы. Әмма алмаштыру җитештерү характерындагы җитешсезлекне раслау очрагында гына мөмкин, моны сервис үзәге раслый ала. Сатып алу урыны буенча гаризада кулланучыга ремонт үткәрү белән риза булмавын күрсәтергә кирәк. Шул ук вакытта имза куйганда квитанцияне игътибар белән укырга кирәк, чөнки еш кына квитанциядә намуссыз сатучылар кулланучының гарантияле ремонтка ризалыгын күрсәтә ала, ә аңа бары тик җитештерү характерындагы җитешсезлекне раслаучы диагностика гына кирәк.