Спорт клубы ябылды. Нәрсә эшләргә?
Фитнес-клуб ябылу сәбәпле, Татарстан Республикасы Дәүләт алкоголь инспекциясенең Түбән Кама территориаль органына абонементтан файдаланмау мәсьәләсе буенча берничә мөрәҗәгать килде. Эш шунда ки, бу фитнес-клуб Халыкара фитнес-франшиза буенча эшләгән һәм аңа үз эшчәнлеген төгәлләргә туры килгән. Әмма, клубның гамәлдәге абонементлары булган һәм аны ябылуга бер ай кала сатып алган клиентларга нәрсә эшләргә?
Бу очракта РФ Законының 28 статьясы кулланыла, кулланучылар хокукларын яклау турында бу статьяга ярашлы рәвештә килешүне үтәүдән баш тартырга һәм акчаларны кире кайтаруны таләп итәргә мөмкин. Акчаларны кайтару вакыты РФ Законының 31 статьясында билгеләнгән һәм тиешле таләп күрсәтелгән көннән алып ун көн эчендә канәгатьләндерелергә тиеш.
Түбән Кама территориаль органы хезмәткәрләре кулланучыларга хезмәтләр башкаручыга гариза белән язма рәвештә мөрәҗәгать итәргә, конкрет таләп һәм кире кайтару суммасын күрсәтергә, тотып калу суммасын (әгәр булса) дәлилләргә кирәклеген тәкъдим итте. Кулланучының таләпләрен үз теләге белән канәгатьләндерүдән яки мөрәҗәгатьне санга сукмаудан баш тарткан очракта, мәсьәлә суд тәртибендә хәл ителә.