Низагка китергән стабилизатор
Татарстан Республикасы Дәүләт алкоголь инспекциясенең Арча территориаль органы эчке базарны үстерү һәм координацияләү бүлегенә җылыту казанының тотрыклы эшләве өчен куела торган киеренкелек стабилизаторында җитешсезлекләр килеп чыгу соравы белән Арча кешесе мөрәҗәгать итте.
Проблеманың асылы шунда ки, стабилизатор даими рәвештә үзеннән-үзе сүнә. Товарны, акчаны кире кайтаруны таләп итеп, сыйфатын тикшерүгә тапшырган. Ләкин сатучы товарны ремонтлаган. Ләкин кулланучы гарантияле ремонтка ризалык бирмәгән. Бу очракта кулланучының таләбе бозылганы ачык күренә. Бүлек хезмәткәре, сыйфатсыз товар өчен акчалата сумманы кире кайтаруны таләп итеп, кулланучыга дәгъва төзүдә ярдәм күрсәтте. Дәгъвага килгән җавап тискәре булып чыкты. Оешма үзенең кулланучы аләбен үтәүдән баш тартуын стабилизаторның техник яктан катлаулы товар булуы белән аңлата.
Яңа шартларга бәйле рәвештә кулланучыга судка дәгъва гаризасы төзүдә ярдәм күрсәтелде, аңа карата таможня декларациясен тапшыру «түбән вольтлы җиһазларның иминлеге турында» Таможня берлегенең техник регламенты таләпләренә туры килүен бәяләү турындагы документ белән бергә бара торган продукция исемлегенең 4 пункты нигезендә әлеге төр продукциягә түбәндәгеләр керә:
- дрельләр, перфораторлар, шуруповертлар, гайковертлар, отверткалар;
пычкылар, лобзиклар;
- шлифмашинкалар;
- рубанкалар;
- кайчы;
- фрезер машиналары;
- кул аккумуляторлы инструмент (зарядкалау җайланмасы белән);
- агач эшкәртү өчен индивидуаль кулланыла торган кече габаритлы станоклар;
- янмый торган сыеклыкларны сибүче пистолетлар.
Бу исемлектә стабилизатор юк. Шулай ук төп фондларның гомумроссия классификаторы буенча (алга таба - ОКОФ), стабилизаторлар инструментлар исемлегенә түгел, ә приборлар исемлегенә кертелгән.
Суд эшен карау нәтиҗәләре буенча яклар уртак килешүгә килделәр. Кулланучыга сыйфатсыз товар өчен 3967 сум күләмендә акчалата сумманы кире кайтардылар.