«Изгелек» тернәкләндерү үзәгендә ял итүчеләр белән чираттагы очрашу булды
Татарстан Республикасы Дәүләт алкоголь инспекциясенең Яр Чаллы территориаль органының эчке базарны үстерү һәм координацияләү бүлеге белгече «Изгелек» инвалидларны тернәкләндерү үзәгендә булды. Ял итүчеләргә «Кулланучылар хокукларын яклау турында» 1992 елның 07 февралендәге 2300-1 номерлы РФ Законы аңлатылды, түбәндәге төшенчәләр аңлатылды:
- кулланучы,
- тиешле сыйфатлы товарлар,
- сыйфатсыз товарлар,
- кулланучының хокуклары һәм бурычлары.
Очрашу актив әңгәмә формасында узды, анда төрле конфликтлы ситуацияләрне караганда кулланучылар тарафыннан дәгъва белдерү ысуллары һәм тәртибенә, якларның хокуклары һәм бурычларына кагылышлы мәсьәләләр күтәрелде.
Тыңлаучылар үзләренең сорауларын бирделәр, аларга белгеч тулы һәм квалификацияле җаваплар бирде. Үлчәме буенча туры килмәгән аяк киеме яки кием сатып алган очракларда, товарда җитешсезлекләр ачыкланганда, мондый товарны нинди срокларда кире кайтарырга мөмкин булуы һәм кулланучылар базары өлкәсенә кагылышлы башка бик күп сорауларга аңлатмалар бирелде.
Мондый очрашуларның максаты - халыкның кулланучылар белемен арттыру. Һәр кешенең, сәламәтлеге нинди булуга карамастан, кулланучы буларак үз хокукларын дөрес якларга хокукы һәм мөмкинлеге булырга тиеш.
Безнең һәрберебезнең бурычы – социаль якланмаган кешеләр үзләрен мәхрүм ителгән итеп хис итмәсен өчен мөмкин булганның барысын да эшләү. Безнең сизгер мөнәсәбәтебез аларга нык булырга, үз көчләренә ышанырга һәм җәмгыятебезнең тулы хокуклы әгъзалары булырга ярдәм итәчәк.
«Изгелек» тернәкләндерү үзәгендә ял итүчеләр үткәрелгән чара өчен зур рәхмәт белдерделәр.