Уенчыклар кибетендә укыту чарасы уздырылды
Кулланучылар базарында хокук бозуларны киметү максатларында, Татарстан Республикасы Дәүләт алкоголь инспекциясенең Чистай территориаль органы белгече Әлки районының Базарлы Матак авылындагы «Альянс» кибетенең балалар уенчыклары бүлегендә Кулланучылар хокукларын яклау турындагы законнарны аңлату буенча семинар үткәрде. Семинар барышында балалар уенчыклары сатуны җайга сала торган төп норматив документлар каралды. Аларга түбәндәгеләр керә: «Кулланучылар хокукларын яклау турында» 1992 елның 7 февралендәге 2300-1 номерлы Россия Федерациясе Законы; РФ Хөкүмәтенең 2020 елның 31 декабрендәге 2463 номерлы карары белән расланган аерым төр товарларны сату кагыйдәләре; «Уенчыклар. Гомуми куркынычсызлык таләпләре һәм контроль алымнары»; «Уенчыклар куркынычсызлыгы турында» 2011 елның 23 сентябрендәге 798 номерлы ТР Таможня берлегенең Техник Регламенты ТС 008/2011. Сатучыларга товар һәм җитештерүче турында мәҗбүри белешмәләр урнаштыру тәртибе, тиешле сыйфатта булмаган балалар уенчыкларын кире кайтару һәм алмаштыру тәртибе, шулай ук тиешле сыйфатта уенчыклар алмаштыру кагыйдәләре аңлатылды. Сатучыларга кулланучылар проблемаларын ирекле хәл итү формуласын, ягъни судка кадәрге тәртиптә кулланырга киңәш ителә.