Ә бәяләр бер урында гына тормый
Татарстан Республикасы Дәүләт алкоголь инспекциясенең Арча территориаль органына кулланучы сорау белән мөрәҗәгать итте:
- Кер юу машинасы ватылды. Сыйфатны тикшерү нәтиҗәсендә җитештерүче тарафыннан җибәрелгән җитешсезлек ачыкланды. Мин сату-алу килешүен өзүне таләп иттем. Миңа нинди сумманы кире кайтарырга тиешләр, чөнки товар сатып алганнан соң бәяләр нык үсте?
Мондый сораулар актуаль, һәм еш кына кулланучылар практикасында барлыкка килә, ләкин сатып алучылар, нигездә, законнарны белмәү сәбәпле, кызганычка каршы, әлеге хокукны кулланмыйлар.
Бу сорауга җавап түбәндәгечә:
- «Кулланучылар хокукларын яклау турында» РФ Законының 24 маддәсенең 4 пункты нигезендә, тиешле сыйфатта булмаган товарны кире кайтарганда, кулланучы килешүдә билгеләнгән товар бәясе белән тиешле товар бәясе арасындагы аерманы мондый таләпне ирекле канәгатьләндерү вакытына яисә, әгәр таләп ирекле рәвештә канәгатьләндерелмәгән булса, суд карар чыгарган вакытка түләтүне таләп итәргә хокуклы.