Балык Бистәсе районында гомуми белем бирү учреждениеләре укучылары белән очрашу булды
Татарстан Республикасы Дәүләт алкоголь инспекциясенең Казан территориаль органы башлыгы Марина Егорова Балык Бистәсе районының 1нче һәм 2нче мәктәпләренең педагогик составы белән бергә 8-11 сыйныф укучылары белән семинарлар үткәрде.
Кулланучылар хокукларын яклау турындагы законнар укучылар игътибарына гамәли яктан тәкъдим ителә, тормыштан мисаллар китерелә, теге яки бу очракта кулланучы кем була, әлеге очрак кулланучылар хокукларын яклауны регламентлаучы законнарга эләгәме икәнлеге турында фикер алыштылар.
Алынган белемнәр сыйфатсыз продукция (хезмәтләр) сатып алган (күрсәтелгән) очракта үз хокукларыңны якларга, «Кулланучылар хокукларын яклау турында» РФ Законының хокукый нормаларын гамәлдә кулланырга ярдәм итә, бу ахыр чиктә җәмгыятьтә куллану культурасының үсүенә ярдәм итәчәк.
Укучыларның олимпиадада катнашу мәсьәләсенә дә тукталдылар, аның бәхәссез уңай яклары бар: тәҗрибә һәм белем туплау, дөньяга карашны киңәйтү. Икенчедән, җиңгән очракта да, җиңелгән очракта да бала бик көчле хисләр кичерәчәк - ул аларны аңларга һәм җиңәргә өйрәнә.
Мөстәкыйль әзерлек укучыларга Олимпиада биремнәрен үтәргә мөмкинлек бирәчәк, ә иң мөһиме, кулланучылар хокукларын яклау өлкәсендә алынган белемнәрне алар гамәлдә куллана алачак.