Яшел Үзән ветераннары өчен кулланучылар белеме
Өлкәннәр көне — безгә чиксез кадерле кешеләр көне - әти-әниләребез, әби-бабаларыбыз, зирәклек, игелек һәм хөрмәт көне ул! Олы буынның безнең яратуга, кайгыртуга һәм игътибарыбызга мохтаҗ булуын тагын бер кат аңларга мөмкинлек бирә торган бәйрәм. Һәм без олы яшьтәге һәр кеше картлыкның тормыш зирәклеге, еллар узу белән тупланган тәҗрибә, кеше үзен багышлаган эш икәнен аңласын өчен күп көч куябыз.
Татарстан Республикасы Дәүләт алкоголь инспекциясенең Яшел Үзән территориаль органы белгечләре Яшел Үзән шәһәренең ветераннар (пенсионерлар) иҗтимагый оешмасында өлкән яшьтәге кешеләр белән очрашу үткәрделәр. Белгечләр кулланучылар хокукларын яклау темасына лекция әзерләделәр һәм өлкән буын гражданнарына «Кулланучылар хокукларын яклау турында»гы закон нигезендә аларның хокукларын җиткерделәр. Чара барышында пенсионерлар көнүзәк темаларга сораулар бирделәр, закон нигезендә тулы җаваплар алдылар. Белгечләр катнашучыларга сәламәтлек, бәхет, муллык, оптимизм, бай тормыш теләделәр һәм Татарстан Республикасы Дәүләт алкоголь инспекциясенең Яшел Үзән территориаль органының эчке базарны үстерү һәм координацияләү бүлегенә хокукый ярдәм сорап мөрәҗәгать итү мөмкинлеге турында мәгълүмат бирделәр.
Чара барышында Кулланучылар хокукларын яклау өлкәсендә төрле тематикалы буклетлар, «Вестник потребителя Татарстана» газетасы таратылды.