Яңа Чишмә чәчтарашханәсендә семинар үткәрделәр
Хәзерге вакытта халыкка көнкүреш хезмәте күрсәтү гражданнарның тиешле хезмәтләргә ихтыяҗы арту сәбәпле киң тарала бара. Өлкәннәр ункөнлеге кысаларында Яңа Чишмә чәчтарашханәләренең берсендә семинар үткәрелде.
Чараның максаты - хезмәт күрсәткәндә кулланучылар хокукларын яклау өлкәсендәге законнарны аңлату, өлкән яшьтәге кешеләргә ташламалар бирү, чәчтарашханә хезмәтләре өлкәсендә хокук бозуларны кисәтү.
Чара вакытында чәчтарашханәгә өлкән яшьтәге ирле-хатынлы пар килде. Башта алар парикмахер мәшгуль дип уйлаганнар һәм, гафу үтенеп, бинадан чыгып китәргә теләгәннәр, ләкин оста бәйрәм хөрмәтенә парга үз хезмәтләрен бөтенләй бушка күрсәтергә тәкъдим иткән. Аның бу гамәле чын игелек һәм игътибарлык акты, ул зур рәхмәткә лаек.
Чара азагында чәчтарашка кулланучылар хокукларын яклау өлкәсендә төрле тематикалы брошюралар, «Татарстан кулланучысы хәбәрләре» газетасының соңгы саны һәм «Чәчтарашханә, косметика салоннары хезмәтләрен күрсәткәндә кулланучылар хокукларын яклау» белешмәсе тапшырылды.