Күпфункцияле үзәктә консультация өстәле уздырдылар
Татарстан Республикасы Дәүләт алкоголь инспекциясенең Чистай территориаль органы белгечләре кизү торуның расланган графигына ярашлы рәвештә, дәүләт һәм муниципаль хезмәтләр күрсәтүнең күпфункцияле үзәкләре потенциалын куллану практикасын киңәйтү максатларында, Чистай шәһәренең күпфункцияле үзәгендә Кулланучылар хокукларын яклау мәсьәләләре буенча гражданнарга консультацияләр үткәрделәр.
Чара барышында кулланучыларга Кулланучылар хокукларын яклау турындагы закон нормалары аңлатылды, «Кулланучылар хокукларын яклауның комплекслы системасын үстерү» процесслы чаралар комплексы каралды. Чаралар комплексы кысаларындагы эшчәнлекнең өстенлекле юнәлеше - халык белән аларның кулланучылар грамоталылыгын арттыру максатларында аңлату эшләре алып бару. Чара барышында, гражданнарның кызыксынуын исәпкә алып, ваклап сату-алу шартнамәсе буенча товарны дистанцион ысул белән сату итү кагыйдәләрен, шул исәптән кулланучының тиешле сыйфатлы товардан баш тарту хокукын карадылар.
Кулланучылар белән консультация өстәлен үткәргәндә Татарстан Республикасы Дәүләт алкоголь инспекциясе компетенциясенә караган башка мәсьәләләрне дә карадылар.