«Мегаүзәктә» эшмәкәрләр өчен консультация-аңлату эшләре үткәрелде
Татарстан Республикасы Дәүләт алкоголь инспекциясенең Әлмәт территориаль органы хезмәткәрләре кулланучылар хокуклары бозылуны булдырмау һәм кисәтү максатында кулланучылар базарының төрле өлкәләрендә эшчәнлек алып баручы хуҗалык итүче субъектлар вәкилләре белән системалы рәвештә консультация-аңлату эшләре алып баралар. Әлеге эш киңәшмәләр, консультацияләр, укыту семинарлары оештыру һәм уздыру аша кулланучылар хокукларын яклау өлкәсендә законнарны үтәү мәсьәләләре буенча үткәрелә.
Кичә Әлмәт территориаль органы белгечләре Әлмәт шәһәренең «Мегацентр» сәүдә үзәгендә эш башлаучы һәм эшләп килүче эшмәкәрләр өчен укыту чаралары уздырганнар. Әңгәмә барышында кулланучылар мөрәҗәгать иткәндә товарның сыйфаты буенча эш итү алгоритмнары җентекләп тикшерелде, гражданнар белән аралашу барышында эшкуарларда туа торган мәсьәләләр һәм аларны хәл итү юллары каралды. Шулай ук чара барышында эшмәкәрләр үзләрен кызыксындырган сорауларны бирә һәм квалификацияле җаваплар ала алдылар.
Кулланучылар һәм эшмәкәрләр тарафыннан Интернет челтәрендә сыйфатсыз товар сатып алуга яки сыйфатсыз хезмәт күрсәтүгә кагылышлы сорауларга җавап эзләү сыйфатында киң файдалану сәбәпле, Әлмәт территориаль органы хезмәткәрләре әлеге челтәр ресурсларын агарту өчен актив файдалана. Муниципаль районнарның рәсми сайтларында актуаль темаларга мәгълүмат, еш бирелә торган сорауларга җаваплар, кулланучылар хокукларын яклау мәсьәләләре белән шөгыльләнүче белгечләрнең телефон номерлары урнаштырыла.