Сыйфатлы товарлар сату - компаниянең озак вакытлы уңышына китерә
Татарстан Республикасы Дәүләт алкоголь инспекциясенең Түбән Кама территориаль органы башлыгы Вадим Шипилов Чирмешән муниципаль районында территориаль органның әйдәп баручы белгеч-эксперты Румия Сөләйманова белән берлектә районның сәүдә объектларында кулланучылар базары өлкәсе хезмәткәрләре (сатучылары) өчен күчмә уку семинарлары уздырды. Сатучыларга кулланучыларга сатканда товарның тиешле сыйфатын саклау планында эш тәртибе аңлатылды.
«Кулланучылар хокукларын яклау турында»гы закон тексты нигезендә (4 статья), сатучы (башкаручы) сыйфаты килешүгә туры килә торган товарны кулланучыга тапшырырга (эшне башкарырга, хезмәт күрсәтергә) тиеш, дип билгели. Шартнамәдә товар (эш, хезмәт күрсәтү) сыйфаты турында шартлар булмаганда, сатучы (башкаручы) кулланучыга гадәттә куела торган таләпләргә туры килә торган һәм мондый төрдәге товар (эш, хезмәт күрсәтү) гадәттә кулланыла торган максатлар өчен яраклы товарны (эшне башкарырга, хезмәт күрсәтергә) тапшырырга тиеш. Әгәр сатучыга (башкаручыга) килешү төзегәндә товар сатып алуның (эш башкаруның, хезмәт күрсәтүнең) конкрет максатлары турында кулланучы тарафыннан хәбәр ителгән булса, сатучы (башкаручы) кулланучыга шул максатлар нигезендә файдаланырга яраклы товарны (эш башкаруны, хезмәт күрсәтүне) тапшырырга тиеш.
Сату вакытында товарларның тиешле сыйфатын саклау теләсә кайсы бизнес өчен мөһим бурыч булып тора, чөнки сатып алучыларның ышанычы, компаниянең абруе һәм озак вакытлы уңышы шуңа бәйле.
Агарту эшен уздыру кысаларында урында кулланучылар хокукларын яклау турындагы законнарга кагылышлы мәсьәләләр буенча кулланучыларга консультацияләр оештырылды. Барлык сорауларга хезмәткәрләр аңлатма бирделәр.
Чарада товардагы җитешсезлекләрне ачыклаганда аларга нинди гамәлләр кылырга кирәклеге, нинди хокуклар һәм закон нормаларына таянырга кирәклеге турында мәгълүмат белән тематик белешмәләр тараттылар. Сәүдә хезмәткәрләренә товарларны сатканда кулланучылар хокукларын яклау турындагы законнарның тайпылышсыз үтәлеше турында искәрттеләр.