Кулланучылар мәсьәләләрен хәл итүдә ярдәм итәргә һәрвакыт шат
«Затлы» сәүдә үзәгендә кизү торганда Арча территориаль органы белгечләренә кулланучы сорау белән мөрәҗәгать итте:
- Кибеттән үрнәк буенча ишекләргә заказ бирдем. Бер айдан соң, берничә ишектә шпон катламы аерыла башлады. Сатып алу урыны буенча сыйфатсыз ишекләрне алмаштыруны таләп итеп мөрәҗәгать иткәндә, минем таләпләрне үтәүдән баш тарттылар һәм аларны ремонтларга гына тәкъдим иттеләр. Гарантия срогы чыкмаган әле. Мин ишекләрне ремонтлаудан баш тарта аламмы һәм сыйфатсыз ишекләрне алыштыруны таләп итә аламмы?
Белгеч «Кулланучылар хокукларын яклау турында» РФ Законының 18 маддәсе нигезендә аңлатма бирде:
- товарда кимчелекләр табылса, әгәр алар сатучы тарафыннан әйтелмәгән булса, сез түбәндәгеләрнең берсенә хокуклы:
- шул ук маркалы товарга (шул ук модель һәм (яисә) артикул) алыштыруны таләп итәргә;
- сатып алу бәясен тиешенчә яңадан исәпләп, башка маркалы шундый ук товарга (модельне, артикулны) алыштыруны таләп итәргә;
- сатып алу бәясен тиешенчә киметүне таләп итәргә;
- товар җитешсезлекләрен түләүсез бетерүне таләп итәргә;
- сату-алу килешүен үтәүдән баш тартырга һәм товар өчен түләнгән сумманы кире кайтаруны таләп итәргә.
Сатучы таләбе буенча һәм аның хисабына кулланучы товарны кимчелекләре белән кайтарырга тиеш.