Балык тоту өчен товарлар кибете сатучылары өчен укыту семинары үткәрелде
Кулланучылар базарында хокук бозуларны киметү һәм кулланучыларның дәгъваларын ирекле рәвештә хәл итү максатларында, Татарстан Республикасы Дәүләт алкоголь инспекциясенең Чистай территориаль органы хезмәткәре Яңа Чишмә районындагы «Поплавок» дип аталган балык тоту өчен товарлар кибетендә Кулланучылар хокукларын яклау турындагы законнарны аңлату буенча семинар-укулар оештырды.
Чараның төп максаты - кулланучылар базарында эшләүче хуҗалык итүче субъектлар вәкилләренең хокукый грамоталылыгын һәм социаль җаваплылыгын арттыруга юнәлдерелгән кулланучылар хокукларын яклау турындагы закон нормаларын сатучыларга җиткерү.
Кибет хезмәткәрләренә «Кулланучылар хокукларын яклау турында» 1992 елның 07 февралендәге 2300-1 номерлы Россия Федерациясе Законы, Россия Федерациясе Хөкүмәтенең 2020 елның 31 декабрендәге 2463 номерлы «Ваклап сату-алу шартнамәсе буенча товарлар сату кагыйдәләре» карары аңлатылды. Сатыла торган товарларга бәяләрне рәсмиләштерү кагыйдәләре, сатучы һәм товарлар турында мәҗбүри һәм дөрес мәгълүматны кулланучыга җиткерү тәртибе турында җентекләп сөйләделәр.
Чара барышында сатып алынган товарда җитешсезлекләр ачыкланганда кулланучылар белән бәхәсле мәсьәләләрне хәл итү механизмын, дәгъваларны карау тәртибен һәм срокларын аңлаттылар.
Сатучыларга эшне судка җиткермичә кулланучыларның дәгъваларын ирекле җайга салу механизмын кулланырга киңәш ителә.
Чара барышында кулланучыларга буклетлар рәвешендәге мәгълүмати белешмәләр тапшырылды.