Автомобиль аккумуляторында кимчелек ачыкланган
Татарстан Республикасы Дәүләт алкоголь инспекциясенең Чистай территориаль органына Әлки районында яшәүче киңәш сорап телефон аша шалтыратты. Ул йөк Газеле өчен сатып алынган аккумуляторда җитешсезлек ачыкланганда эш итү тәртибен аңлатуны сорый. Ачыкланганча, ир-ат узган елның көзендә үк Чистай шәһәре кибетендә унике мең сумлык аккумулятор сатып алган. Автомобиль бары тик шәхси көнкүреш ихтыяҗлары өчен генә кулланылган. Агымдагы елның гыйнварында эксплуатациядә кыска вакытлы тәнәфестән соң автомобиль кабынмый башлаган. Капот астындагы киңлекне тикшергәндә аккумуляторның кабарганлыгы ачыкланган, һәм ян ягында ярык барлыкка килгән, аның аша электролит агып чыккан. Көчле салкыннар булмаса да, аккумулятор туңган булып чыга. Сатучы, товардагы җитешсезлекләр сатып алучы гаебе белән килеп чыккан дип, акчаны кире кайтарудан баш тарта.
Сатып алучыга «Кулланучылар хокукларын яклау турында» РФ Законының 18 һәм 19 маддәләренә аңлатма бирелде, алар нигезендә, товарда җитешсезлекләр табылган очракта, кулланучы тиешле сыйфатта булмаган товар өчен акчаны гарантия срогы яки яраклылык срогы дәвамында табылса, кире кайтаруны таләп итәргә хокуклы. Гарантияле сроклары яисә яраклылык сроклары билгеләнмәгән товарларга карата, әгәр товардагы җитешсезлекләр тиешле вакытта ачыкланса, ләкин алар кулланучыга тапшырылган көннән алып ике ел эчендә, әгәр озаграк сроклар законда яисә шартнамәдә билгеләнмәсә, кулланучы күрсәтелгән таләпләрне белдерергә хокуклы. Гарантия срогы дәвамында моны исбатлау бурычы сатучыга йөкләнә.
Кулланучыга сатучыга тиешле сыйфатта булмаган товар өчен акчаны кире кайтаруны таләп итеп дәгъва юлларга тәкъдим ителде. Кулланучы таләпләре ирекле рәвештә үтәлмәгән очракта, ул судка мөрәҗәгать итәргә хокуклы. Кулланучыга территориаль орган белгечләренең аңа хокукый ярдәм күрсәтергә әзер булулары турында хәбәр иттеләр.