Азнакай районында профилактик чаралар уздырылды
Хуҗалык итүче субъектлар вәкилләре өчен профилактик чаралар уздыру кысаларында, Әлмәт территориаль органы белгече Азнакай районының сәүдә нокталарында укыту чаралары уздырды.
Әлеге чараларның төп максатлары үз эченә түбәндәгеләрне ала:
- бизнес вәкилләрен кулланучылар хокукларын яклау турындагы закон нигезләренә өйрәтү;
- эшмәкәрләр һәм сатып алучылар арасындагы бәхәсләрне хәл итү механизмнарын аңлату;
- хезмәт күрсәткәндә һәм товарлар сатканда кулланучылар хокукларын үтәүнең гамәли аспектлары белән танышу.
Белгеч «Кулланучылар хокукларын яклау турында» РФ Законы таләпләренә, сәүдә кагыйдәләренә аңлатма бирде. Сатыла торган товарларга бәяләрне рәсмиләштерү тәртибе, үлчәү чараларының төзек торышына таләпләр, сатучының белдерелгән таләпләргә карата кулланучыга җавап җибәрү бурычы, кулланучылар таләпләрен канәгатьләндерү сроклары һәм тәртибе турында сөйләштеләр. Кулланучыларның теләсә нинди чыганаклардан теләсә нинди мәгълүматны эзләү һәм алуга хокукларын чикләүне булдырмау турында сөйләделәр, шул исәптән товарны фотога төшерү юлы белән.