«Бакча үзәге» сәүдә үзәгендә профилактик чара уздырдылар
Татарстан Республикасы Дәүләт алкоголь инспекциясенең Яр Чаллы территориаль органы эчке базарны үстерү һәм координацияләү бүлеге белгечләре профилактик эшләрен актив дәвам итәләр. «Бакча үзәге» сәүдә комплексында чара уздырылды. Анда белгечләр үсемлекләр, орлыклар һәм бакча өчен товарлар сатучы эшкуар белән очраштылар. Очрашу барышында эшкуарга «Кулланучылар хокукларын яклау турында» 1992 елның 07 февралендәге 2300-1 номерлы Россия Федерациясе Законының төп маддәләре; РФ Хөкүмәтенең 2020 елның 31 декабрендәге 2463 номерлы карары аңлатылды.
Белгечләр аңлатма бирделәр: әгәр әлеге товар (орлыклар, үсентеләр, тере чәчәкләр һ.б.) тиешле сыйфатлы булса, карар нигезендә, ул кире кайтарылырга яки шундый ук товарга алыштырылырга тиеш түгел. Сатучы үз чиратында товар турында тулы мәгълүматны: әзерләү датасын һәм саклау срогын, сортын, авырлыгын һ.б. бирергә тиеш. Товар белән бергә сатып алучыга турыдан-туры сатуны гамәлгә ашыручы зат имзалаган товар чегы тапшырыла, анда үсемлекләрнең төр исеме һәм күләме, сатучының исеме, сату датасы, бәясе күрсәтелә.
Белгечләр кулланучылар базары өлкәсендә эшмәкәрләрнең сорауларына җавап бирделәр. Кулланучыларның дәгъваларын карау һәм канәгатьләндерү сроклары һәм тәртибе аңлатылды.
Чара барышында эшмәкәрләргә «кайнар линия» телефоны эше турында хәбәр ителде: 8(8552) 71-43-03. Чарада катнашучыларның барысына да Татарстан Республикасы Дәүләт алкоголь инспекциясе тарафыннан эшләнгән мәгълүмати буклетлар тапшырылды.