Кулланучы заказ буенча эшләнгән күлмәктә кимчелекләр тапкан
Татарстан Республикасы Дәүләт алкоголь инспекциясенең Чистай территориаль органына шәһәрдә яшәүче хатын-кыз телефон аша ателье хезмәткәрләренең гамәлләренә шикаять белән мөрәҗәгать итте. Алар белән ул күлмәк тегүгә килешү төзегән булган. Эшләнмәне алгач, ул анда кимчелекләр тапкан. Хатын-кыз килешүне өзәргә һәм акчаны кире кайтарырга таләп иткән, әмма аның таләпләрен үтәүдән баш тартканнар.
Гражданкага «Кулланучылар хокукларын яклау турында» РФ Законының 29 маддәсенә нигезләнеп аңлатма бирелде. Аның нигезендә, башкарылган эшнең (хезмәтләр күрсәтүнең) кимчелекләре ачыкланганда, кулланучы үз теләге белән түбәндәгеләрнең берсен таләп итәргә хокуклы:
- башкарылган эшнең (хезмәт күрсәтүнең) җитешсезлекләрен түләүсез бетерү;
- башкарылган эшнең (хезмәт күрсәтүнең) бәясе тиешенчә киметү;
- шундый ук сыйфатлы бертөрле материалдан бушлай башка әйбер әзерләү яисә эшне кабат башкару. Шул ук вакытта кулланучы аңа башкаручы элек тапшырган әйберне кире кайтарырга тиеш;
- башкарылган эшнең (күрсәтелгән хезмәтнең) җитешсезлекләрен үз көчләре белән яисә өченче затлар тарафыннан бетерү буенча тотылган чыгымнарны каплау.
Әгәр күрсәтелгән шартнамәдә билгеләнгән срокта башкарылган эшнең (күрсәтелгән хезмәтнең) җитешсезлекләре үтәүче тарафыннан бетерелмәгән булса, кулланучы эш башкару (хезмәт күрсәтү) турындагы шартнамәне үтәүдән баш тартырга һәм зыяннарны тулысынча каплауны таләп итәргә хокуклы. Әгәр шартнамә шартларыннан җитди кимчелекләр яисә башка җитди чигенүләр ачыкланса, кулланучы шулай ук шартнамәне үтәүдән баш тартырга хокуклы.
Законның 30 статьясы нигезендә эшнең (хезмәт күрсәтүнең) кимчелекләре кулланучы билгеләгән тиешле срокта башкаручы тарафыннан бетерелергә тиеш.
Югарыда бәян ителгәннәрдән чыгып, кулланучыга тиешле вакытта җитешсезлекләрне бетерүне таләп итеп, башкаручыга гариза җибәрергә тәкъдим ителде. Күрсәтелгән сроклар бозылган очракта, кулланучы башка таләпләр куярга, шул исәптән шартнамәне өзәргә дә хокуклы.