Казан метрополитенында шәһәр халкы өчен консультация өстәле эшләде
Бөтендөнья кулланучылар хокукларын яклау көненә багышланган чаралар кысаларында, Татарстан Республикасы Дәүләт алкоголь инспекциясенең Казан территориаль органы, Казан шәһәре Башкарма комитетының Кулланучылар базары комитеты хезмәткәрләре Казан метрополитенының «Кремль» станциясе территориясендә шәһәр халкы өчен консультация өстәле оештырдылар. Чараның төп темасы: «Сыйфатсыз товарларны кире кайтару һәм алмаштыру кагыйдәләре», шулай ук сыйфатсыз товарлар сатып алганда кулланучының гамәлләре.
«Метроэлектротранс» МУП җитәкчелегенең әлеге чараны оештыруда һәм үткәрүдә бәяләп бетергесез ярдәм күрсәтүен билгеләп үтү мөһим.
Белгечләр консультациясе - сатучы белән сатып алучы арасында килеп чыга торган проблемалы хәлләрне оператив хәл итү.
Кулланучыларга үз хокукларын яклау өлкәсендәге мөнәсәбәтләрне җайга сала торган законнар һәм норматив актлар турында мәгълүмат бирелде: «Кулланучылар хокукларын яклау турында» 1992 елның 07 февралендәге 2300-1 номерлы Россия Федерациясе Законының төп нигезләмәләре, законнардагы үзгәрешләр, 2020 елның 31 декабрендәге 2463 номерлы ваклап сату-алу шартнамәсе буенча товарлар сату кагыйдәләре.
Чара актуаль темалар буенча Кулланучылар хокукларын яклау өлкәсендә гамәлдәге законнарга аңлатмалар язылган брошюралар һәм буклетлар рәвешендәге белешмәләр тарату белән үрелеп барды.