«Модная обувь» кибетендә кулланучыларга консультацияләр бирделәр
Татарстан Республикасы Дәүләт алкоголь инспекциясенең Чистай территориаль органы белгечләре Чистай шәһәренең «Модная обувь» кибетендә Кулланучылар хокукларын яклау турындагы законнарны аңлату буенча кулланучылар өчен консультация өстәле оештырды.
Чара барышында кулланучыларга 2020 елның 1 июленнән аяк киеме җитештерү, импортлауга сәүдәнең яңа кагыйдәләре кертелүе турында мәгълүмат җиткерелде. Шул вакыттан башлап әйләнештә маркалы аяк киеме генә булырга мөмкин. Җитештерүчеләр һәм импортерлар һәр парга маркировка кодлары ясый.
Аннары сатып алучылар үтенече буенча аяк киеме сатып алганда кулланучылар хокукларын яклау турындагы законнар нормалары, шул исәптән тиешле сыйфатлы һәм тиешле сыйфатсыз товарлар сатып алганда кулланучылар хокуклары аңлатылды. Сатып алучыларга сатучының кулланучыга аларны дөрес сайлап алу мөмкинлеген тәэмин итә торган товарлар турында кирәкле һәм дөрес мәгълүматны вакытында тапшыру бурычы турында сөйләделәр, мәсәлән, аяк киеме әзерләнгән материал, аның күләме, шулай ук, әгәр алар конкрет аяк киеме өчен билгеләнгән булса, аяк киеменең гарантия срогы һәм хезмәт итү вакыты турында. Өстәмә рәвештә кулланучыларга сыйфатсыз аяк киеме сатып алган очракта эш итү тәртибен аңлаттылар.