Матурлык өлкәсендә кулланучы хокуклары
Матурлык хезмәте - чәчтарашлар, косметологлар, маникюр һәм массаж осталары. Мөнәсәбәтләр РФ Гражданлык кодексы, «Кулланучылар хокукларын яклау турында»гы закон, РФ Хөкүмәте раслаган көнкүреш хезмәте күрсәтү кагыйдәләре белән җайга салына.
Башкаручылар клиентларга үзләренең дәүләт теркәве, хезмәтләре, аларны күрсәтү шартлары һәм ташламалар булуы турында мәгълүмат бирергә тиеш. Башкаручының шикаятьләр һәм тәкъдимнәр китабы булырга тиеш.
Хезмәт күрсәтүнең җитешсезлекләре ачыкланганда клиент түбәндәгеләрне таләп итәргә хокуклы:
- кимчелекләрне түләүсез төзәтү;
- хезмәт күрсәтү бәясен киметү;
- проблеманы мөстәкыйль рәвештә яки өченче затлар тарафыннан хәл итү чыгымнарын компенсацияләү.
Әгәр башкаручы дефектларны вакытында бетермәгән булса, клиент килешүне өзәргә һәм акчаны кире кайтарырга мөмкин. Дәгъваларны проблемалар ачыкланганнан соң ук бирү яхшырак.
Дәгъва бирүнең максималь вакыты - ике ел, әмма косметик процедуралар булганда, тиз эш итәргә киңәш ителә.
Физик зыян китерелгәндә, салон сәламәтлекне торгызу чыгымнарын түләргә һәм зыянны компенсацияләргә тиеш. Хокукларны яклау өчен Роспотребнадзорга, Дәүләт алкоголь инспекциясенә һәм судка мөрәҗәгать итәргә мөмкин.