Сәүдә үзәгендә укыту чарасы уздырдылар

2025 елның 21 мае, чәршәмбе

Татарстан Республикасы Дәүләт алкоголь инспекциясенең Казан территориаль органы хезмәткәрләре «Мега» сәүдә-күңел ачу үзәгендә эшмәкәрләр белән укыту чарасы уздырды. Мондый чаралар сатып алучыларга хезмәт күрсәтү сыйфатын яхшыртырга ярдәм итә.

Чарада кулланучылар хокукларын яклаучы төп законнар һәм сәүдәнең яңа кагыйдәләре турында фикер алыштылар. Катнашучылар клиентларның шикаятьләрен ничек дөрес карарга, сатып алучыларга товар һәм кибет турында кирәкле мәгълүмат бирергә, дәгъваларны ничек төзергә икәнен белделәр.

Катнашучыларга «Кулланучылар хокукларын яклау турында» РФ Законының аерым маддәләре аңлатылган буклетлар таратылды.