Дистанцион ысул белән сатып алынган үтүкнең кимчелекләре бар: нишләргә?
Базарда кизү торганда Татарстан Республикасы Дәүләт алкоголь инспекциясенең Чистай территориаль органы белгеченнән, дистанцион ысул белән сатып алынган үтүкнең кимчелекләре ачыкланганда кулланучының хокукларын аңлатуын сорадылар.
Кулланучыга «Кулланучылар хокукларын яклау турында» РФ Законының 26.1 маддәсе аңлатылды, аның нигезендә тиешле сыйфатта булмаган товарны дистанцион ысул белән сату нәтиҗәләре әлеге Законның 18-24 маддәләрендә каралган нигезләмәләр белән билгеләнгән.
Ягъни, сыйфаты тиешенчә булмаган товар сатып алган очракта, кулланучы:
- шул ук маркалы, ләкин тиешле сыйфатлы товарга алыштыруны таләп итәргә;
- бәяләрне тиешенчә яңадан исәпләп, башка маркалы товарга алмаштыруны таләп итәргә;
- сатып алу бәясен тиешенчә киметүне таләп итәргә;
- товар җитешсезлекләрен кичекмәстән түләүсез бетерүне яисә кулланучы яисә өченче затлар тарафыннан аларны төзәтү чыгымнарын каплауны таләп итәргә;
- сату-алу килешүен өзәргә.
Дәгъваны юллау формасы һәм ысуллары турындагы мәгълүмат кулланучыларга аны сайтта (ул булганда) һәм (яисә) Сайтның «Интернет» челтәрендәге битендә (ул булганда) урнаштыру юлы белән җиткерелә. Сатучы тарафыннан мондый мәгълүмат бирелмәгән очракта, кулланучы теләсә нинди формада һәм теләсә нинди ысул белән дәгъва юлларга хокуклы.
Сатучы дәгъвага җавапны ун көн эчендә бирергә тиеш. Кулланучының алдагы гамәлләре алынган җавапка бәйле.