Балтач районының Сосновка авыл җирлегендә чираттагы тапкыр гражданнарны кабул итү булды
Татарстан Республикасы Дәүләт алкоголь инспекциясенең Арча территориаль органы эчке базарны үстерү һәм координацияләү бүлеге башлыгы Ләйсән Абдуллина Балтач муниципаль районының Сосновка авыл җирлегендә гражданнарны кабул итте.
Чараның максаты - сатучылар тарафыннан бозылган очракта кулланучының законлы хокукларыннан файдалана һәм үз мәнфәгатьләрен яклый алсын өчен халыкны агарту һәм аларның кулланучылар грамоталылыгын арттыру.
Шуңа бәйле рәвештә гражданнарга кулланучылар хокукларын яклау турындагы законнар нормалары җиткерелде, кулланучының сыйфатка, куркынычсызлыкка, мәгълүматка, зыянны каплауга төп хокуклары бәян ителде. Каралган мөрәҗәгатьләрдән һәм суд практикасыннан мисаллар китерелде. Чара барышында гражданнардан сатып алынган товарларда җитешсезлекләр барлыкка килү турында сораулар килде. Барлык сорауларга да гамәлдәге законнар нигезендә җентекле җаваплар бирелде.
Чара буклетлар һәм «Вестник потребителя Татарстана» газетасы тарату белән үрелеп барды.