Белгечләр кулланучылар хокукларын яклау мәсьәләләре буенча укыту семинары үткәрделәр
Татарстан Республикасы Дәүләт алкоголь инспекциясенең Чистай территориаль органы һәм Роспотребнадзорның Татарстан Республикасы буенча идарәсе белгечләре даими рәвештә уздырыла торган социаль әһәмиятле азык-төлек товарларына бәяләр мониторингы барышында, Алексеевск шәһәр тибындагы бистәдә «Звениговский» кибете сатучылары өчен кулланучылар хокукларын яклау мәсьәләләре буенча семинар-укулар үткәрделәр.
Чараның төп максаты - сатучыларга «Кулланучылар хокукларын яклау турында» Россия Федерациясе Законы, товарларны ваклап сату-алу шартнамәсе буенча сату кагыйдәләре нигезендә кулланучылар хокукларын яклау турындагы закон нормаларын җиткерү.
Кибет сатучыларына сатыла торган товарларга бәяләрне рәсмиләштерү кагыйдәләре, сатучы һәм товарлар турында мәҗбүри һәм дөрес мәгълүмат булу, товарларның яраклылык срокларын күзәтү һәм саклау шартларын үтәү турындагы таләпләр аңлатылды. Товарда җитешсезлекләр табылганда кулланучылар белән конфликтлы вәзгыятьләрне карау мәсьәләләре кузгатылды. Сатучыларга эшләрендә кулланучылар проблемаларын ирекле хәл итү механизмын кулланырга, ягъни бәхәсләрне судка кадәр хәл итәргә киңәш ителә.
Сатып алучылар арасында кулланучылар хокукларын яклау өлкәсендә белешмәләр һәм буклетлар таратылды.