Кибет хезмәткәрләре өчен өйрәтү чарасы үткәрелде
Яшел Үзән районының Васильево бистәсендә «Монетка» сәүдә челтәренең яңа кибете ачылды. Татарстан Республикасы Дәүләт алкоголь инспекциясенең Яшел Үзән территориаль органы белгечләре яңа кибеттә сатучылар өчен кулланучылар хокукларын яклау мәсьәләләре буенча укулар уздырдылар.
Сатучыларга кулланучылар хокукларын яклау турындагы закон нормалары һәм ваклап сату-алу килешүе буенча сату кагыйдәләре җиткерелде. Закон сатучыны товарларның төп куллану үзлекләре турында, ә азык-төлек продуктларына карата кулланучыга белешмәләр бирергә мәҗбүр итә:
- составы турында белешмәләр;
- исемнәрен күрсәтеп, азык һәм биологик актив өстәмәләр булу;
- авырлыгы һәм күләме;
- әзерләү һәм төрү датасы, урыны;
- азык кыйммәте;
- билгеләнү;
- куллану һәм саклау шартлары;
- әзер ризык әзерләү ысуллары.
Кулланучы түбәндәге таләпләрне куярга хокуклы: кимчелекләрне түләүсез бетерү; сатып алу бәясен тиешенчә киметү; шундый ук маркалы товарга йә сатып алу бәясен тиешенчә яңадан исәпләп, башка маркалы товарга алмаштыру.
Сатыла торган товарларның сыйфаты һәм сатыла торган продукциянең яраклылык сроклары, сатыла торган товарларга бәяләрне дөрес рәсмиләштерү һәм кулланучы өчен мәгълүмат булу, шулай ук сатып алучыларга хезмәт күрсәтү культурасы турында фикер алыштылар.