«Строймаркет» кибетендә консультация өстәле оештырылды
Татарстан Республикасы Дәүләт алкоголь инспекциясенең Чистай территориаль органы эчке базарны үстерү һәм координацияләү бүлеге белгечләре «Строймаркет» кибетендә кулланучылар хокукларын яклау турындагы законнарны аңлату буенча консультация өстәле оештырды.
Чара барышында сатып алучыларга тиешле һәм тиешсез сыйфатлы товарларны кире кайтару тәртибе аңлатылды. Сатып алучыларның берсе үтенече буенча кулланучының товар җитешсезлекләренә карата таләпләр кую сроклары, шулай ук сатучының товар турында тиешле булмаган мәгълүмат өчен җаваплылыгы аңлатылды.
Кулланучыларга, сыйфаты тиешенчә булмаган товарлар сатып алган очракта, сатучыга язма дәгъва юлларга киңәш ителә. Товарларны ваклап сату-алу килешүе буенча сату кагыйдәләренең 5 пункты нигезендә, кулланучының дәгъвасы кергән очракта, сатучы аңа белдерелгән таләпләргә карата җавап җибәрергә тиеш. Җавап бирелмәгән очракта, сатучы РФ КоАП 14.15 маддәсендә билгеләнгән административ җаваплылыкка тартылырга мөмкин.
Сатып алучылар арасында кулланучылар хокукларын яклау өлкәсендә гамәлдәге законнарга аңлатмалар язылган белешмәләр һәм буклетлар таратылды.