Саба районы кулланучылары өчен чаралар үткәрелде
Татарстан Республикасы Дәүләт алкоголь инспекциясенең Арча территориаль органы белгечләре гражданнарга кулланучылар буларак үз хокукларын яклау турында даими хәбәр итәләр. Даими рәвештә халык белән күчмә очрашулар уздыралар. Күптән түгел мондый очрашу Саба районының Евлаштау авылында узды.
Кулланучылар хокукларын яклау өлкәсендә төп бурыч — муниципаль берәмлектә кешеләргә үз хокукларын гамәлгә ашырырга һәм аларны үтәргә мөмкинлек бирә торган шартлар тудыру. Товарлар һәм хезмәтләр базарында хокук бозулар белән көрәшүнең иң нәтиҗәле ысулларының берсе - мондый хокук бозуларны кисәтү һәм профилактикалау.
Очрашу вакытында гражданнарга «Кулланучылар хокукларын яклау турында» РФ Законы нигезендә үз хокукларын ничек якларга кирәклеге турында сөйләделәр. Шулай ук аларга РФ Хөкүмәте карары белән расланган билгеле бер товарларны сату Кагыйдәләрен аңлаттылар. Территориаль орган практикасыннан мисаллар китерелде.
Сәүдә объектында сатучылар өчен семинар үткәрелде. РФ Хөкүмәтенең 2020 елның 31 декабрендәге 2463 номерлы карары белән расланган сәүдә кагыйдәләрен, кулланучылар хокукларын яклау турындагы закон нигезләрен аңлаттылар.
Сатучыларга кулланучыларның шикаятьләрен һәм мөрәҗәгатьләрен ничек карарга кирәклеген аңлаттылар, сатып алучыларга сатучы, товарлар һәм хезмәтләр турында тулы мәгълүмат бирергә кирәклеген искәрттеләр. Түләнгән товарлар яки күрсәтелгән хезмәтләр өчен товар чеклары бирүгә, шулай ук бәяләмәләр һәм тәкъдимнәр кенәгәсен бирүгә аерым игътибар бирелде.
Товарда җитешсезлекләр ачыкланган очракта, сатып алучылар белән конфликтлы вәзгыятьне ничек хәл итәргә икәнлеге турында фикер алыштылар. Сатучыларга кулланучылар проблемаларын ирекле хәл итү формуласын кулланырга, ягъни бәхәсләрне судка кадәр тәртиптә җайга салырга киңәш иттеләр.
Саба районының күпфункцияле үзәгендә консультация үткәрелде.