Болгар шәһәренең күпфункцияле үзәгендә кизү тору оештырылды
Татарстан Республикасы Дәүләт алкоголь инспекциясенең Чистай территориаль органы хезмәткәре Болгар шәһәренең күпфункцияле үзәгендә Кулланучылар хокукларын яклау турындагы законнарны аңлату буенча консультация өстәле уздырды.
Чара барышында мөрәҗәгать иткән барлык гражданнарга консультация ярдәме күрсәтелде. Мәсәлән, Спас районында яшәүчеләрнең берсе җитештерүченең һәм сатучының товарга гарантия срогын билгеләү өлкәсендәге хокукларын һәм бурычларын аңлатуны сорады. Ир-атка «Кулланучылар хокукларын яклау турында» РФ Законының 5 маддәсе аңлатыла, аның нигезендә җитештерүче товарга гарантияле срок – товарда җитешсезлек ачыкланган очракта җитештерүче яки сатучы товарда барлыкка килгән җитешсезлеккә карата кулланучының таләпләрен канәгатьләндерергә тиеш булган вакытны билгеләргә хокуклы. Сатучы шулай ук, әгәр товар җитештерүче тарафыннан билгеләнмәгән булса, товарга гарантияле срок билгеләргә хокуклы.
Сатучы шулай ук җитештерүче билгеләгән гарантия срогы узгач табылган товар җитешсезлекләренә карата йөкләмә алырга хокуклы (өстәмә йөкләмә). Сатучының өстәмә йөкләмәсе эчтәлеге, мондый йөкләмәнең гамәлдә булу вакыты һәм кулланучының мондый йөкләмә буенча хокукларын гамәлгә ашыру тәртибе кулланучы белән сатучы арасындагы шартнамә белән билгеләнә.
Әгәр җитештерүче дә, сатучы да гарантияле срок билгеләмәсә, кулланучының товар кимчелекләре турындагы таләпләрне тиешле срокта, әмма товар тапшырылган көннән алып ике ел эчендә белдерергә хокукы бар. Әгәр гарантия срогы билгеләнгән булса, ләкин ул ике елдан кимрәк булса, билгеләнгән гарантия срогы узгач та кулланучының товар кимчелегенә карата ике ел эчендә таләпләр белдерергә хокукы бар.
Чара барышында Кулланучылар хокукларын яклау өлкәсендә тематикалы буклетлар һәм «Вестник потребителя Татарстана» газетасы таратылды.