Әгәр товар туры килмәсә, аны зоокибеткә кире кайтарып буламы?
- Товарларны зоокибеткә кайтаруның нинди кагыйдәләре бар?
- Әгәр товар туры килмәгән икән, аны кире кайтарып буламы?
- Азыкны зоокибеткә кире кайтарып буламы?
- Муенчакны яки уенчыкны зоокибеткә кире кайтарып буламы?
- Нинди товарларны кире кайтарып булмый?
Татарстан Республикасы Дәүләт алкоголь инспекциясенең Түбән Кама территориаль органы хезмәткәрләре Чирмешән районындагы «Зайка» кибетендә бу сорауларны сатучылар һәм сатып алучылар белән тикшерде.
Барлык зоотоварларны да кайтарып яки алыштырып булмый. Әгәр хайванның хуҗасы аңа зурлыгы, төсе яки башка характеристикалары буенча туры килмәгән кием, аксессуар яки уенчык сатып алган икән, сатып алу көнен санамыйча, ундүрт көн эчендә кулланучы тиешле сыйфатлы товарны алмаштыру мәсьәләсе буенча кибеткә мөрәҗәгать итәргә хокуклы. Бу чакта акчаларны кире кайтару тиңдәш товар яисә сыйфатсыз товарга алыштырылмаса гына башкарыла. Әмма зоокибеттә башта сатып алынган товарда куллану үзлекләрен канәгатьләндерә торган товар булмаса, сезгә акчаны кире кайтарырга тиешләр.
- Хайванны кибеткә кайтарып буламы? - дип сорады бер сатып алучы. Белгечләр аңлатканча, кызганычка каршы, барлык товарларны да кире кайтарып булмый. Җан ияләре Россия Федерациясе Хөкүмәтенең 2020 елның 31 декабрендәге 2463 номерлы карары белән расланган тиешле сыйфатлы, алмаштырылырга тиеш булмаган азык-төлек булмаган товарлар исемлегенә керә. Димәк, йорт хайваннарын зоокибеткә кире кайтарырга ярамый. Шулай ук җәнлек азыгы, ветеринария препаратлары, хайваннар өчен гигиена чаралары да кире кайтарылырга яки алыштырылырга тиеш түгел.
Әмма сатып алынган товарда кимчелек ачыкланса, кулланучы товарны алыштыру, ремонтлау яки акчаны кире кайтару таләбе белән кибеткә мөрәҗәгать итәргә хокуклы.