Кулланучы әлифбасы
Сатып алучы Арча территориаль органына ташлама белән сатып алынган сыйфатсыз туфли өчен кибетнең акчаны кире кайтарудан баш тарту хокукы турында сорау белән мөрәҗәгать итте. Кибет яраксыз товарны кире кабул итүдән баш тарткан, моны ул ташлама белән сатып алуга бәйли.
Әмма ташламалар белән сатыла торган сыйфатлы товарларны һәм кимчелекле эшләнмәләрне аеру мөһим. Сатып алудан соң дефектлар табылган сыйфатлы товар «Кулланучылар хокукларын яклау турында» РФ Законының 18 маддәсе нигезендә кире кайтарылырга яки алыштырылырга тиеш. Сатып алучыга түбәндәге хокуклар бирелә:
- бәяне төшерү;
- аяк киемен шундый ук маркага яисә бәясен яңадан исәпләп башка маркага алыштырыру;
- килешүне өзәргә һәм түләүнең тулы суммасын кайтарырга.
Ташламалы сату үзеннән-үзе сатып алучыны күрсәтелгән хокуклардан мәхрүм итми. Әмма башта бәясе төшкән эшләнмә белән бәйле вәзгыять үзгәрә - бәясе турында махсус тамга булу сыйфатлы товарны кире кайтару нормаларын куллануны чикли.