Белгечләр гражданнарга консультацияләр бирде
Татарстан Республикасы Дәүләт алкоголь инспекциясенең Чистай территориаль органы эчке базарны үстерү һәм координацияләү бүлеге консультанты күпфункцияле үзәкнең Чистай филиалында кулланучылар өчен консультация өстәле оештырды.
Чара барышында кызыксынган затларга «Кулланучылар хокукларын яклау турында» РФ законының кайбер нигезләмәләрен аңлаттылар. Аерым алганда, бер гражданинга законның 18 маддәсе белән регламентланган техник яктан катлаулы товарларда җитешсезлекләр табылганда аның хокукларын аңлаттылар.
Техник яктан катлаулы товарга карата, кулланучы, анда җитешсезлекләр ачыкланган очракта, сату-алу шартнамәсен үтәүдән баш тартырга һәм мондый товар өчен түләнгән сумманы кире кайтаруны таләп итәргә йә аны шул ук маркалы товарга яисә башка маркалы шундый ук товарга алмаштыруны таләп итәргә, сатып алу бәясен тиешенчә киметеп түләргә хокуклы. Шушы вакыт узгач, күрсәтелгән таләпләр түбәндәге очракларның берсендә канәгатьләндерелергә тиеш:
- товарның сизелерлек кимчелеген ачыклау;
- товар җитешсезлекләрен бетерү срокларын бозу;
- товарның төрле кимчелекләре күп тапкырлар бетерелгәнгә күрә, гарантия срогының һәр елы дәвамында, тулаем алганда, утыз көннән артык файдалана алмау.
Техник яктан катлаулы товарлар исемлеге Россия Федерациясе Хөкүмәте тарафыннан раслана.
Чара барышында күпфункцияле үзәккә килүчеләрне кызыксындырган башка сорауларга да җавап бирделәр.