Аңлатабыз һәм ярдәм итәбез
«Кулланучылар хокукларын яклауның комплекслы системасын үстерү» процесслы чаралар комплексын гамәлгә ашыру кысаларында, Татарстан Республикасы Дәүләт алкоголь инспекциясенең Яшел Үзән территориаль органында эчке базарны үстерү һәм координацияләү бүлеге башлыгы Алсу Хөснетдинова һәм контроль-инспекция бүлегенең әйдәп баручы белгеч-эксперты Елена Сазонова Татарстан Республикасы Тәтеш муниципаль районының Зур Тархан авылында яшәүчеләрне кабул иттеләр. Чараның максаты - халыкны хокукый яктан агарту һәм кулланучылар хокукларын яклау мәсьәләләре буенча консультация ярдәме күрсәтү. Гражданнар белән очрашуда кулланучылар хокукларын яклау турындагы законнарга кагылышлы мәсьәләләрне карадылар. Катнашучылар сыйфатсыз товарларны кире кайтару, тиешле сыйфатлы товар алмашу, гарантия йөкләмәләре, шулай ук товарларны дистанцион ысул белән сатып алу кебек сораулар белән мөрәҗәгать иттеләр һәм сатучыга дәгъва белдерү тәртибен карадылар. Катнашучыларга Татарстан Республикасы Дәүләт алкоголь инспекциясенең Интернет-сайты, «Кулланучылар хокукларын яклау» порталы һәм Тәтеш муниципаль районының рәсми сайтында «Кулланучылар хокукларын яклау» өлеше булуы турында мәгълүмат җиткерелде, анда бик күп файдалы һәм кирәкле мәгълүмат, шулай ук дәгъва үрнәкләре табарга мөмкин. Чара Татарстан Республикасы Дәүләт алкоголь инспекциясе территориаль органнарының эчке базарны үстерү һәм координацияләү бүлекләре адреслары һәм телефоннары булган актуаль темаларга кулланучылар хокукларын яклау өлкәсендә гамәлдәге законнарга аңлатмалар бирелгән мәгълүмати материал һәм «Вестник потребителя Татарстана» газетасы тарату белән үрелеп барды.