Кибет сатучылары өчен укыту семинары үткәрелде
Чистай территориаль органы һәм Роспотребнадзорның Татарстан Республикасы буенча идарәсе белгечләре «Fix Price» кибете хезмәткәрләре өчен укыту семинары үткәрделәр, анда көндәлек ихтыяҗ товарларының киң ассортименты сатыла.
Уку барышында Кулланучылар хокукларын яклау турындагы законнар нормалары аңлатылды. Мәсәлән, товарда кимчелекләр ачыкланганда кулланучының хокуклары, товарны алмаштыру һәм тиешле сыйфатта булмаган товар өчен акчаны кире кайтару сроклары, шулай ук кулланучының тиешле сыйфатта булган товарны алмаштыру хокукы турында сүз барды.
Сатучының кулланучыларга кибетнең эш режимы дөрес мәгълүмат бирү бурычы, шулай ук сатыла торган товарлар турында, аларны дөрес сайлап алу мөмкинлеген тәэмин итә торган мәгълүмат бирү бурычы турында җентекләп сөйләделәр. Моннан тыш, «Кулланучылар хокукларын яклау турында» РФ Законының 12 маддәсенең 1 пункты каралды, аның нигезендә, әгәр кулланучыга килешү төзегәндә товар турында мәгълүматны кичекмәстән алу мөмкинлеге бирелмәсә, ул тиешле срокта аны үтәүдән баш тартырга һәм товар өчен түләнгән сумманы кире кайтаруны һәм зыянны каплауны таләп итәргә хокуклы.
Сәүдә предприятиесе хезмәткәрләре белән кулланучылар хокукларын яклау турындагы законнарның башка нормаларын да карадылар, кызыксындырган сорауларга җаваплар бирделәр. Сатучыларга һәм кибеткә килүчеләргә мөстәкыйль өйрәнү өчен «Вестник потребителя Татарстана» газетасы, кулланучылар хокукларын яклау өлкәсендә төрле мәгълүматлы брошюралар һәм буклетлар тараттылар.