Яшел Үзән муниципаль районы Башкарма комитетында гражданнарны кабул иттеләр
Татарстан Республикасы Дәүләт алкоголь инспекциясенең Яшел Үзән территориаль органы эчке базарны үстерү һәм координацияләү бүлеге башлыгы Алсу Хөснетдинова Яшел Үзән муниципаль районы Башкарма комитетында кулланучылар хокукларын яклау мәсьәләләре буенча гражданнарны кабул итте. Чара гражданнарга кулланучылар хокукларын яклау мәсьәләләре буенча мәгълүмат бирүгә һәм консультация бирүгә, кулланучыларга практик ярдәм күрсәтүгә юнәлдерелгән иде.
Кешеләр көн саен нәрсәдер сатып ала, теге яки бу хезмәтләрне ала, һәм аларның сыйфатлы булуы, ихтыяҗларына туры килүе мөһим. Әмма, кызганычка каршы, сатып алулар һәрвакытта да шатландырмый.
Бер кулланучы яшүсмергә мәктәп өчен сатып алынган аяк киеме сыйфатына шикаять белән мөрәҗәгать итте. Сатып алуның өченче көненә шнурның каптырмасы өзелгән, товарның һәр берәмлеген күзәтергә һәм тикшерергә мөмкинлек бирә торган «гадел билге» системасында тикшергәч, система «шикле товар» дип күрсәтә, ягъни товар, сатучы ышандырганча, фабрикада эшләнгән аяк киеме түгел, ә контрафакт булып чыкты. Тагын бер кулланучыга чек булмау сәбәпле бүләк сертификаты өчен акчаны кире кайтарудан баш тартканнар. Бу очрак буенча да киңәшләр бирелде.
Кабул итү барышында барлык мөрәҗәгать иткән гражданнарга консультация ярдәме күрсәтелде, кулланучылар законнарының нигезләре һәм товарлар (хезмәтләр) сатып алганда барлыкка килә торган конкрет тормыш ситуацияләрендә үз-үзеңне дөрес тоту мисаллары, дәгъва бирү тәртибе һәм аларны карау сроклары аңлатылды.