Кафе хезмәткәрләре өчен чаралар уздырдылар
Татарстан Республикасы Дәүләт алкоголь инспекциясенең Әлмәт территориаль органы белгече Ирина Синицина «I» кафесына карата җәмәгать туклануы хезмәтләрен күрсәткәндә лицензияләнгән эшчәнлек төрен гамәлгә ашырганда мәҗбүри таләпләргә туры килү-килмәүгә бәя бирде.
Чара барышында Кулланучылар хокукларын яклау өлкәсендә предприятие хезмәткәрләренең грамоталылыгын арттыру максатында укыту семинары уздырылды. Анда «Кулланучылар хокукларын яклау турында» Россия Федерациясе Законының төп нигезләмәләре һәм җәмәгать туклануы хезмәтләрен күрсәтү кагыйдәләре каралды. Кафе хезмәткәрләренә кулланучыларның шикаятьләрен һәм мөрәҗәгатьләрен карау тәртибе, аларга күрсәтелә торган хезмәтләр турында кирәкле мәгълүмат булу, дәгъваларны карау тәртибе һәм сроклары турында таләпләр аңлатылды.
Кулланучылар хокукларын яклау өлкәсендә гамәлдәге законнарга аңлатмалар бирелгән брошюралар һәм буклетлар рәвешендә Татарстан Республикасы Дәүләт алкоголь инспекциясенең территориаль органнары адреслары һәм телефоннары турында мәгълүмат булган белешмәләр тәкъдим ителде.