Шәһәр базарында кизү тордылар
Әлмәт территориаль органы хезмәткәрләре Әлмәтнең үзәк базарында кулланучылар хокукларын яклау мәсьәләләренә багышланган күчмә кизү тордылар. Чара сатучылар һәм сатып алучылар белән ачык аралашу форматында узды.
Кизү торганда белгечләр сәүдәдә катнашучыларга законнарның төп таләпләре турында искәрттеләр: товар турында дөрес мәгълүмат бирү, товарларны кире кайтару һәм алмаштыру кагыйдәләрен үтәү, дәгъваларны карау сроклары. Сатучыларга бәхәсле ситуацияләрдә эш итү тәртибен аңлаттылар, продукциянең сыйфатын һәм килеп чыгышын раслаучы документлар булуның мөһимлеге турында сөйләделәр.
Хезмәткәрләр кулланучыларга хокукларын җентекләп аңлаттылар - сыйфатсыз товарны кире кайтару мөмкинлеге, дәгъва белдерү сроклары, Дәүләт алкоголь инспекциясе, Роспотребнадзор яки суд аша мәнфәгатьләрне яклау ысуллары. Теләге булган һәркем сораулар бирә, консультация һәм файдалы мәгълүмат белешмәләре алды.