ЯҢАЛЫКЛАР
Россия Эчке эшләр министрлыгының Түбән Кама районы буенча идарәсе хезмәткәрләре сатып алучыларга тәкъдим ителгән һәм кулланучылар өчен бәяләре булган дүрт исемдәге алкогольле продукцияне (сыра һәм сыра эчемлекләрен) сату фактын ачыклаган. Алкогольле продукция законсыз әйләнештә булган һәм административ хокук бозу турындагы эш буенча дәлилләре әһәмиятле документларсыз алкогольле продукцияне алу беркетмәсе рәсмиләштерелеп алынды һәм Татарстан Республикасы Дәүләт алкоголь инспекциясенең Түбән Кама территориаль органына тапшырылды. Сәүдә объектыннан барлыгы 130 литр сыра алынган.
ТР Дәүләт алкоголь инспекциясе яңа коронавирус инфекциясе белән көрәш чорында административ хокук бозулар буенча протокол төзүдә вәкаләтле оешмалар исемлегенә кертелде. Бу турыдагы карар Татарстан Республикасы Президенты тарафыннан имзаланган. 6 апрельдән көн саен ТР Дәүләт алкогольинспекциясенең 50 гә якын хезмәткәре административ хокук бозулар өчен проткол төзүдә катнаша. Бу эш башка контрольдә тоту органнары хезмәткәрләре белән берлектә график нигезендә башкарыла. 7 апрель көнендә ТР Дәүләт алкоголь инспекциясе хезмәткәрләре 25 пртокол төзегән.